Bya Angel Lubowa
KAMPALA
Brig Gen Charles Oluka abadde akulira ekitongole munda mu ggwanga ekya Internal Security Organization (ISO) abadde musajja mukambwe ku kyokka nga mulokole.
Abadde agatta obukambwe mu bujaasi n’eddiini okukola emirimu gye egy’obukessi era waafiridde nga ISO ezeemu okubeera ekitongole ekyesigika.
ISO kinoonyereza ku buzzi bw’emisango, abaseketerera gavumenti, babzibisa mundu ne kalonda yenna era sibangu mu mulimu guno abasobodde okutebenkeza eggwanga.
Oluka abadde atemera mu myaka 57 abadde atawanyizibwa obukadde bw’omutima era gwe gwamusse.
Yasiibye akola mirimugye mu ofiisi ye kinawadda Okusinziira mu kiwandiko okuva mu ofiisi ye ku Lwokusatu kyokka okw’eggulo ng’atuuse mu makago bwe yabadde yeetegeka okusabako ne maama w’abaana kwe kuzirika.
Oluvanyuma bamututte mu Doctors hospital e Sseguku kyokka teyalamye.
Omumyuka wa munnamawulire wa Pulezidenti, Hajj Farouk Kirunda yakakasizza amawulire nga Oluka yakafa.
Omwaka oguwedde Oluka yatwalibwako mu bakugu ebweru w’eggwanga okumujanjaba omutima kyokka n’asigala ngakyali ku ddagala.
Omugenzi Pulezidenti Museveni gwe yakuza okumutuusa ku ddaala eryo ku ntandikwa ya 2024 okukulira ISO yalondebwa mu biseera bya covid 19 mu 2020 ng’ada mu bigere bya Col Frank Kaka Bagyenda agambibwa nti yali ekitongole akidukanya bulala.
